Oraindik egun batzuk falta dira bertsio definitiboa kalean egoteko baina dagoeneko prest daukagu Ubuntu/linux 8.04 beta bertsioa.
Deskarga webgunean dena prest dago eta ugariak dira dakartzan berrikuntzak. Nire gusturako hauek dira interesgarrienak:
Baina badaude beste asko ere ...
Noizbait ziur aurkitu zaretela egoera honetan: musika formatu digitalean euki (mp3, ogg, ...) eta entzuteko aukerarik ez izan zuen musika aparatuak bakarrik CD audio formatua onartzen duelako (adibidez kotxean).
Aukera bat da ordenagailuan CD audio bat sortzea zure gutoko musikarekin. Ubuntu/Linux-en hori oso erraza da Serpentine erabilita. Serpentine erabiltzeko joan Aplikazioak atalera eta bertan aukeratu Soinua eta bideoa hurrengo pantaila agertuko zaizu.
Zure Cdaren edukia (minututan) kontutan izan eta behar izanez gero aldatu, orduan Gehitu botoia klikatuz zure musika fitxategi digitalak joan gehitzen, azkenean Write to disc egin eta automatikoki zure Audio Cda sortuko da. Oso erraza.
Hortik aparte menuan Edit aukeratuz eta gero Hobespenak gauza gehiago konfiguratzeko aukera dugu irudian agertzen den moduan.
Aukeren artean hauexek ditugu: CD/DVD grabagailua, grabatzeko abiadura, bi segunduko hutsunea uztea fitxategitik fitxategira edo diskoa automatikoki erauztea amaitzerakoan.
DiarioLinux-i ezker enteratu gara nola lortu ditzakegun abestien letrak Rhythmbox musika erreproduzigailua erabiliz.
Pausuak oso errazak dira. Lehenengo eta behin programa horren plugin bat instalatu behar dugu. Horretarako menuan aukeratuko dugu Editatu aukera eta gero Plugin-ak orduan irudian agertzen den pantaila agertuko zaigu eta kantuen hitzak aukeratuko dugu.
Ondoren plugin-a konfiguratu behar dugu. Programari adierazi behar zaio zein errepositorio erabiliko dugun eta baita letrak zein direktorioan grabatuko diren.
Ondoren, letrak ikusteko abestiaren gainean saguaren eskumako botoiarekin egingo dugu klik eta Propietateak eta Hitzak aukeratuta abestiaren letra ikusteko aukeran egongo gara.
Irudian ikusi dezakezuenez Amy Winehousen "Rehab" abestiaren letra irakurri dezakegu doinua entzuten dugun bitartean. Diario Linuxekoek aukera hau ingelesaren entzumen ariketak egiteko erabiltzen dute. Oso interesgarria iruditu zait.
Ubuntuko webgunean Brainstorm ekimena jarri dute martxan, bertan erabiltzaileek Ubuntuaren garapen taldeari iradokizunak egin diezaiokete.
Dagoeneko ideia ugari proposatu dira eta zuk ere parte har dezakezu. Horretarako, hori bai, izena eman behar duzu, erregistroa derrigorrezkoa da eta.
Zuk zer proposatuko zenuke?
Mikeli bezala, noizbait niri ere gustatzen zait xake partidatxo bat botatzea. Horretarako Ubuntun Chess jokoa daukagu.
Joko horretara jokatzeko menuan Aplikazioak - Jokoak - Chess aukeratu dezakegu. Dena den, jokoa bi dimentsiotan ikusiko dugu irudian ikusi dezakegunez.
Hiru dimentsiotan ikusi nahi badugu python-eko libreri batzuk instalatu behar ditugu. Horretarako komando hau idatziko dugu:
$ sudo apt-get install python-gtkglext1 python-opengl
Hau instalatu eta gero programaren menuan Ikusi- 3D aukeratu eta hiru dimentsiotan ikusiko dugu tableroa, irudian ikusten den moduan.
DeviceGuru-k eskutitz ireki bat idatzi dio Mark Shuttleworthi eta bertan proposatzen dio Ubuntu markaren garapena lortzeko Ubunturen forma guztiei (Ubuntu, Kubuntu, Xubuntu, Edubuntu) izen antzeko bat ipintea, adibidez:
Nire uste apalean idea oso ona da zeren horrela argi geratuko litzateke erabiltzaile guztientzat Ubuntu erabiltzen dutela eta horrek marka ikurra hobea emango lioke. Zuk zer uste duzu?
Gorka Palazioren gonbidapena jaso dut Ubuntu Planeteko euskarazko atala sortzeko egingo den bileran parte hartzeko.
Bileraren zehaztapenak hauexek dira:
EGUNA: asteartean, 29an.
ORDUA: 13.30
EGUNEKO MENUA: 6-7 euro gutxi-gorabehera
LEKUA: Leioako jatetxe txinatarra (kontserbatorioaren ondokoa).
Bazkaria eta gero bilera egingo dugu LAMIAKOko berritzegunean.
Ni beste konpromiso batzuk direla medio egun horretan ezin izango naiz joan. Interesatutako guztiok gonbidatuta zaudete parte hartzera (bazkaria bakoitak ordaindu behar du berea ;-) ).
Ubuntu 7.10 instalatu eta gero bere berrikuntzak probatzen nabil.
Hauetako bat AptUrl da; programak nabigatzailetik instalatzeko aukera ematen duen aplikazioa.
Orain arte softwarea instalatzeko aukera bi genituen: edo terminal bat ireki eta apt-get erabili edo Synaptic erabili mahaigainatik.
Orain Firefox zabaldu eta helbidean apt:// idatziz aplikazio hori instalatzen hasiko da. Oso interesgarria.
Gaur .rar fitxero bat pasatu didate eta erauztekotan fitxategi kudeatzaileak errore bat eman dit: mota horretako fitxeroak ezin dituela erauzi.
Orduan internetetik bilatu eta oso era errazean aurkitu dut fitxeroa erauzteko era. Horretarako unrar aplikazioa instalatu behar da betiko moduan (adi! root izan behar da):
#apt-get install unrar
Aplikazioa Internetetik deskargatu eta instalatu ondoren fitxategi kudeatzaileak posible du .rar fitxeroak erauztea.
Begira zelako podcast polita aurkitu dudan Youtuben. Paz Padilla famatua informatikari buruz hitzegiten eta Ramón Garcia flipatzen.
Esan oi da gauza bat modan jartzeko "famosilloek" erabili behar dutela lehendabizi eta gero besteok kopiatu egiten dugula. Ba ea Paz imitatzen dugun.
Tagak
Zabaldu
del.icio.us