Ubuntu Basque Experience

Aurreko textu batean komentatu nuen bezala Ubuntu Feisty instalatzerakoan divx-ak ikusteko kodeak ez dira instalatzen eta horrexegaitik ezin nituen pelikulak ikusi Totem programarekin.

Sergiok komentatu zidan berak VLC erabiltzen zuela eta saiatu naiz, instalatu dut baina ezin ikusirik jarraitzen nuen.  Kode-en arazoa zen seguru.

Aurreko textu batean komentatu nuen nola instalatu kodeak Ubuntu Drapper bertsioan, baina Garik egindako iruzkin batean esan zidan berak Automatix erabiltzen zuela eta probatzea erabaki dut.  Programa hau dela medio, Ubuntuko errepositorioak ematen ez dituzten aukerak, era errazean lortzen dituzu. Normalean kodigo askea ez diren pluginak edo programak. Badakit hau Stallmanek irakurtzen badu "herejea" deituko didala baina aragia oso ahula da.

Beraz hemendik lortu dut Automatix2, instalatu eta oso era errazean  w32 kodeak instalatu eta listo.

Dagoeneko pelikulak ikusteko moduan nago, bai Totemekin eta bai VLCrekin

Aurreko textu batean komentatu nuen bezala Ubuntu Feisty instalatzerakoan OpenOffice ingeleraz instalatu zen beraz euskaratzea zen egiteke garatzen zen gauzetariko bat.

Aurretik erabili nuen prozedura berdina jarraituz Openoffice euskaratuta daukat dagoeneko.

Dena den, euskarazko bertsioan direktorioekin eta fitxeroekin lan egiteko orduan, interfacea aldatu egiten da eta nahiko "zaharkitua" ematen du.

Ez dakit "theme"-aren asuntoa den edo zer den baina uste dut zerbait ikertu beharko dudala hori aldatzeko.

Norbaiti gertatu zaio?

Ostegunean heldu zitzaizkidan Ubuntu Feistyko CDak eta gaur  instalatu dut eta lehenengo inpresioa ez zait iruditu hain "in-prezionantea". Ba dirudi ez dela ezer aldatu, baina bai, gauza batzuk aldatu dira. Dena den aldaketa hauetan sakondu baino lehen instalazioari buruzko hitz batzuk.

Instalazioa oso erraza da eta hardware guztia onartu dit. Ordenagailua CDtik abiarazi eta galdera erraz batzuen ondoren zure Feistya martxan daukazu. Instalazioa euskaraz egiteko aukera daukazu baina OpenOficce bulegotika suita ingelesez instalatzen du; Firefox euskaraz. Bestalde, faltan bota dut instalazio osoa egin beharrean eguneraketa egiteko aukera. Dena instalatu behar duzu berriro eta "/" partizioa berriro montatu eta formateatu behar da. Erraza da baina ez dakit zer gertatuko den zure konfigurazio zaharrekin (ordenagailu "berri" baten instalatu dut). Hori beste egun baterako.

Instalatu ondoren probatzea tokatu zait. Lehenengo gauza nire aririk gabeko sarea probatzea izan da eta primeran konektatu naiz nire routerrera WPA seguritate sistema erabiliz. Arlo honetan oso ondo.

Gero multimedia probatzea erabaki dut eta horretarako mp3 fitxero batzuk entzuten saiatu naiz. Sistemak ezin zuela fitxero hoiek zabaldu eta ea codeak bajatu nahi nituen galdetu dit. Baietz erantzun, codeak instalatu eta musika entzuteko aukera izan dut, beste ezer egin gabe. Dena den pelikula bat ikustea probatu dut eta entzutea bakarrik lortu dut, irudiak ikustea ez, beraz honetan saiatu behar naiz.

Ubuntu Feistyren beste berrikuntza bat mahaigaineko efektuak (Berylen antzekoak) "de serie" dakartzala da. Probatu ditut eta nahiz eta sistemak abisu bat eman efektu programak berak arazoak ekarri ditzazkeela primeran dabiltza bai kubo efektua eta bai lehioen dardara. Azken hau desaktibatu egin dut, ez zait gustatzen, baina kuboarena oso ondo dago lortuta eta erabilgarria iruditzen zait. Mahaigaineko efektuak konfiguratzeko zoaz Sistema, Hobespenak, Mahaigaineko Efektuak atalera.

Hortik aparte Jokoetan sudokuak egiteko aukera duzu.

Beraz, oraindik gauza batzuk ditugu egiteko:

• Konfigurazio zaharrak nola gorde ikasi.
• OpenOffice euskaratu.
• Pelikulak ikustea lortu.

Ba bai, orain hiru aste inguru eskatutako Ubuntu GNU/Linuxeko bertsio berriaren Cdak heldu zaizkit.

Badaukat astebururako lan apur bat. Ubuntu Feisty Fawn instalatzea!

Zuk ere hemen lortu dezakezu Cda.

Gaur enteratu gara Ubuntu triberen sekretuaz eta dirudienez ez zen ematen zuena.

Hazruido marketing biral txapelketan parte hartzen zuen ekimen bat da.

Ni, beste askoren antzera jauzi naiz zurrunbiloan baina, ekimenaren helburuak ikusirik

"Software askea sustatzea, euskara eta euskal kultura sarean ezagutaraztearekin batera."

ez zait batere inporta, are gehiago helburu hoiekin ekimen gehiago egingo badute nire sostengua izango dute berriro ere.

Zorionak eta suertea txapelketan.

Dena den beraiek duten etika arazoei buruzko galdera berdinak sortzen dizkit marketing biralaren asunto honek.

Ubuntu tribe egitasmoaren bitartez software askea garatzen duen euskal komunitatean oinarritutako filma laburra sortuko da.

Helbide honetan proiektuaren webgunea daukagu; bertan pelikularen trailerra ikus dezakegu, gidoiaren laburpen bat irakurri dezakegu eta baita tribuan parte hartu.

Proiektu oso interesgarria iruditzen zait. Gorka Julioren blogean informazio gehiago daukazue eta hemen uzten dizuet trailertxoa.

Azken egunotan arazo bat somatu diot nire Ubuntu sistemari: Youtubeko bideoak ez nituen entzuten Firefox erabiliz.

Foroetan bilatzen ibili eta gero, badirudi Flash Playeren eguneraketa batekin konpontzen dela arazoa.

Beraz webgune honetatik .tat.gz fitxeroa deskargatuko dugu. Fitxero hori deskonprimitu eta gero install_flash_player_9_linux direktorio bat sortuko da.

Orduan terminal bat abiaraziko dugu eta direktorio horretara joango gara, gero ./flashplayer-installer idatziko dugu eta programa instalatzen hasiko da.

Momentu batean Firefox ixteko eskatuko digu eta gero Firefox instaltuta dugun karpetaren helbidea. Nire kasuan /usr/lib/firefox da.

Orain entzuten ditut Youtubeko bideoak.

Ba bai, dagoeneko OpenOfficeko 2.2.0 bertsioa euskaraz daukagu eta Euskalgnuko webgune honetan jeisteko moduan aurkituko dugu bere aukera guztietan.

Gero, instalatzerakoan jarraitu behar ditugun pausuak lehengo baten komentatu nituen berberak dira.

Dena den aurretik OpenOfficen euskarazko bertsioren bat baduzu ez da beharrezkoa aurreko bertsioa ezabatzea, bakarrik instalatu eta sistema automatikoki gaurkotuko da.

Ubuntuko eguneraketak direla eta ziuraski zure hasierako menuan aukera desberdin asko izango dituzu. Sistemako kernela automatikoki eguneratzen da  eta  grub-eko menuan sarrera berriak agertzen dira baina zaharrak ez dira kentzen.

Aukera hoiek kendu nahi izanez gero grub-eko konfigurazio fitxeroa editatu ahal dugu. Orduan menua garbi eukiko dugu baina kernelaren irudiak gure disko gogorrean geratuko dira lekua okupatzen.

Ubuntun badago era erraz bat menua eta irudiak garbitzeko. Horretarako terminal bat zabaldu eta hurrengo komandoarekin sisteman instalatutako kernel irudien zerrenda lortuko dugu:

# sudo dpkg --get-selections |grep linux-image

Zerrenda horretan irudien izenak agertuko zaizkigu eta ondoren izen hoiek kontutan hartu eta hurrengo komandoarekin garbitu behar ditugu banan-banan. Gogoratu irudien bertsio berriena utzi behar dugula.

# sudo apt-get remove --purge <irudiaren izena>

Bueno ba, heldu da eguna eta ofizialki Ubunturen bertsio berria erabil dezakegu. Zelan eguneratu gure sistema? Ba, era asko daude:

• Deskargatu webgune ofizialetik.
• Eskatu CDak edo DVDak eta aurki zure etxean izango dituzu instalatzeko moduan.
• Edo upgrade bat egin zure Ubuntu/linux sistemara.

Eta zer berri dakar Feisty honek?

• Windowsetik migrazioa egiteko era erraza.
• Multimedia sinpleagoa.
• Haririk gabeko sareen soporte hobeagoa.
• 2.6.20 kernela eta Gnome 2.18.

Erabili eta gozatu!