Ubuntu Basque Experience

Jakina da zure argazki kamara digital berrian ateratako irudiak ordenagailura pasatzen dituzunean fitxategien izenak honelakoak direla: p1234567.jpg.

Izen horrek ez du askorik esaten eta agian gustukoagoa duzu urtebetetzea1.jpg edo horrelako zerbait. Asuntoa da fitxategi piloa dituzula eta nagikeriak jota zaudela eta ez duzula nahi fitxategioi banan-banan izena aldatzen ibiltzea.

Ripeatutako mp3 fitxategiekin ere berdin gertatzen zaizu.

Ba ez arduratu. PyRenamer aplikazioarekin era erraz batean aldatuko dituzu fitxategi multzo baten izenak.

Ubuntuko errepositorioetan aplikazio horren 0.4.1 bertsioa lortu dezakezu baina 0.6.0 bertsioa lortu nahiez gero jarraitu deb paketearen esteka eta gero instalatu Gdebi-rekin.

pyrenamer_0.6.0-1_all.deb

Esteka honetan aplikazioaren pantailak ikus ditzakezu.

Askotan tokatu izan zait hutsik ez dagoen direktorio bat ezabatu beharra. Terminal batetik direktorio bat ezabatzeko hurrengo komandoa erabili dezakegu baina direktorioa hutsik egon behar da:

rmdir direktorioa

Dena den, badago beste komando bat direktorioa komando batez ezabatzeko nahiz eta hutsik ez egon:

rm -drf  direktorioa

Kontuz komando honekin ze barrabasada handiak egin daitezke sisteman supererabiltzaile moduan bazaude. Alan eta guztiz ere niri oso erabilgarria suertatu zait.

Azken aldi hontan oso modan jarri da birtualizazioaren gaia. Birtualizazio softwarea erabiliz, zure ordenagailuan sistema eragile ugari eta baita sistema bereko makina ugari batera martxan izan ditzakezu eta hori oso erabilgarria suertatu zait askotan.

Merkatuan programa asko daude sistemen birtualizazioa sortzeko eta nik Virtualbox erabiltzen dut. Primeran dabil, oso erraza erabiltzeko eta GNU/GPL lizentziapean dator. Dena den eguneraketa garrantzitsu bat egiten dudanean programa ez da abiarazten eta irudian agertzen den errorea ematen du.

Errore hau vboxdrv modulua kernelean kargatu ez delako ematen du eta pantaila horretan ematen diguten iradokizuna eginda konpontzen da. Hau da, supererabiltzaile modura sartu ($ sudo -s) eta gero komando hau exekutatu:

# /etc/init.d/vboxdrv setup

Lortu dut!

Somosespartanos.com webgunean aurkitu dut nire wifi konexioa martxan jartzeko prozedura eta zuekin konpartitu nahi dut.

Askotan portatilak egiten dituzten enpresek ez dute banatzen beraien ordenagailuetan ipintzen dituzten haririk gabeko txartelen kontrolatzaileak edo driverrak eta horrek buruko min handiak sortzen dizkigute Ubuntu, eta orokorrean GNU/Linux, erabiltzaileoi.

Ba dago aukera bat windowseko driverrak erabiltzeko GNU/Linux sistematan: ndiswrapper. Programa honek fabrikatzaileek sortutako windoserako driverrak windowseko kernelean bildu egiten dituzte eta GNU/Linux sistematan erabiltzeko moduan uzten ditu.

Nidswrapper-i buruzko informazio interesgarria proiektuaren webguenan eta baita wikipedian ere lortu dezakezue.

Bere garaian saiatu nintzen ndiswrapper erabiltzen nire Atheros AR5007EG martxan jartzeko baina ez nuen lortu. Sistemak beti AR5006 txartela aukeratzen zuen eta ezin nuen wifia erabili.

Gaur Somosespartanos.com webgunean  aurkitu dut erantzuna. Dirudienez, sistemak zuen driver batek (ath_pci) konfliktoa sortzen zuen eta txartelaren erabilera eragozten zuen. Orain martxan daukat nere wifia!

Ondoren jarraitutako pausuak azalduko ditut.

Lehengo eta behin  Atheros AR5007EG txartelaren windowserako driverrak deskargatu. Esteka honetan lortu ditzakezue: Atheros ar5007eg driverrak. Zip formatuko fitxategi bat deskargatuko duzu eta  barruko fitxategiak erauzi egin behar dira.

Hori lotu eta gero, ath_pci driverrak ezabatu behar ditugu gure sistematik hoiek bait dira konfliktoa sortzen dutenak. Horretarako egiten dugu:

#  sudo rmmod ath_pci

Ondoren driver hoiek sistemaren zerrenda beltzean sartuko ditugu berriro kargatu ez daitezen. Horretarako blacklist fitxeroa editatu beharko dugu, adibidez nano editorearekin:

# sudo nano /etc/modprobe.d/blacklist

Fitxategi horren azkenean lerro hau idatziko dugu:

blacklist ath_pci

Fitxategia gorde  eta irten editoretik. Sistema berabiarazi beharko dugu. Ondoren komando lerrotik edo Synaptic erabiliz ndiswrapper instalatu beharko dugu. Horretarako ndiswrapper-common eta ndiswrapper-utils-1.9 programak instalatuko ditugu.

Orain terminal bat zabaldu eta cd komandoarekin driverrak deskargatuta dituzun direktoriora joan behar zara. Zehazki Drivers/XP-x32 direktoriora eta driverrak instalatu ndiswrapper erabiliz. Horretarako idatzi:

Talde lanean zabiltzanean, askotan, taldeko partaide guztiei posta elektronikoak bidaltzea ohikoa izaten da.

Partaideak asko ez badira, helbideak eskuz idatzi ditzakegu; baina asko direnean posta zerrenda bat erabiltzea komenigarria da.

Mozilla Thunderbird erabiliz zerrena berri bat sortzea oso erraza da.

Menu nagusian Helbide Liburua ikonoa aukeratuko dugu, orduan Helbide Liburuen lehioa zabalduko zaigu.

Pantaila honetako menuan Zerrenda Berria aukeratu eta beste lehio bat agertuko zaigu.

Hor agertzen diren eremuak bete eta azkenean idatzi helbideak.

Helbide asko badira nekagarria izan daiteke denak eskuz idaztea, horregatik posible da textu fitxategi batetik itsastea ere.

Talde honi mezuak bidaltzeko zerrendaren izena erabili beharko dugu taldeko helbide moduan.

Jakina da Linux sistema eragileak aurpegi edo sapore ugari dituela eta horrek askotan, erabiltzailea  despistatu egiten du. "Nik nahi dut GNU/Linux erabili baina ez dakit ze distro instalatu". Hori da askotan entzuten dugun esaldia eta egia esan, aukera zaila da: Fedora, Debian, Mandriva, Ubuntu, Slackware, OpenSuSE, Gentoo... izen pila eta aukeraketa zaila.

Orain sareak ematen dituen aukeretako bat erabiliz (Linux Distribution Chooser), eta galdera sinple batzuei erantzun ondoren, aplikazioak berak esaten dizu zein den zure beharrizanetarako GNU/Linux distribuziorik egokiena.

Nik frogatu dut eta ezetz jakin zein izan den proposatu didana...

Ba bai, Ubuntu!

Dirudienez ondo aukeratu dut.!

Kontu handiz ibiltzen ez bagara Flash-a erabilita ateratzen ditugun argazkietan begi gorriaren efektua agertzea nahiko normala da. Gure argazkietan efektu hori kentzeko The Gimp programa erabili dezakegu.

Horretarako argazkia programa horrekin irekiko dugu eta zoom-a erabiliz, begi gorria ahal dugun handien aterako dugu pantailan. Gero, Hautapen eliptiko tresnarekin  begiaren gune gorria aukeratuko dugu.

Ondoren menuan Iragazkiak > Nabarmendu > Begi gorria kentzea ... aukeratu beharko dugu eta ondorengo pantailatxoa agertuko zaigu.

Muga aukerarekin kolorearen nibela aldatu, Ados botoia sakatu eta begi gorriak desagertu dira.

Quanek egindako galdera bati erantzunez OpenOfficeko euskarazko hiztegia zelan instalatzen den azalduko dut artikulu honetan.

Lehenengo eta behin esan behar dut euskarazko hiztegia ezin dela prozedura tipikoarekin instalatu. Beraz ondorengo pausuak jarraitu beharko ditugu:

• Euskarazko Softwareko repositorotik Xuxen zuzentzaile ortografikoa deskargatu behar dugu.
• Linuxerako bertsioa tar.gz formatuan konprimituta deskargatuko dugu beraz destrinkotu beharko dugu. Orduan eu-ES karpeta sortuko da eta barruan eu-ES.aff eta eu-ES.dic fitxategiak aurkituko ditugu
• OpenOffice-ek hiztegiak gordetzen dituen karpetan kopiatu behar dira bi fitxategi hauek. Karpeta hori /usr/lib/OpenOffice/share/dict/ooo helbidean egongo da normalean baina instalazioaren arabera kokapena aldatu daiteke.
• Karpeta horretan dictionary.lst izeneko fitxategia aurkituko dugu. Fitxategi hori editatu beharko dugu (nano edo gedit bezalako aplikazioekin, adibidez) eta azken lerroaren
  ondoren lerro hau gehitu: DICT eu ANY eu-ES. Fitxategia gorde eta itxi. Dagoeneko Xuxen instalatuta dago.
• Orain OpenOffice berrabiatu egin beharko dugu eta euskarazko hiztegia aukeratu. Horretarako menuan Tresnak > Aukerak > Hizkuntzak eta agertutako pantailan Dokumentuen hizkuntza lehenetsian euskara aukeratuko dugu.

AutoZuzenketa aukera aktibatuta baduzu, idazten ari zaren heinean,
okertzat hartzen diren hitzak gorriz azpimarratuta aterako dira. Hitz okerraren gainean jarri eta saguaren eskuineko botoia sakatu eta Zuzenketa-proposamen batzuk agertuko zaizkizu.

Jolausek kontatu digu Ubuntu identifikatzailea egin duela eta nik ere  Fabian Floresen instrukzioak jarraituz, egin dut nirea.

Apurtxo bat frikia da, ez?

Gaur goizean posta elektronikoa irakurtzerakoan nire Mozilla-Thunderbird gauza arraroak egiten hasi zait: email guztiek atxikita fitxero bat zekarten eta irakurtzerakoan Mozilla-Thunderbird itxi egiten zitzaidan. Arazotxo hau konpontzeko terminal batean Thunderbird era seguruan abiarazi dut, hurrengo komandoarekin:

# thunderbird -safe-mode

bertan emaila gestionatu dut, irakurri, email arraroak ezabatu,.... Eta horrela konpondu da. Berriro abiarazi programa eta martxan!.