Ubuntu Basque Experience

Ba bai, heldu dira 7.10 bertsioaren CD originalak, asuntoa da orain sei aste eskatu nituela eta ezin nuela itxaron.  Horregatik zuzenean internetetik deskargatu eta instalatu nuen eta martxan daukat.

Cruchbang webgunean Eguberritan Ubuntu oparitzeko kanpaina jarri dute martxan. Dagoeneko ingeleraz, alemanieraz eta espainieraz dago. Ideia polita iruditu zait eta euskarazko kanpaina hastea erabaki dut.

Kanpaina honetan Eguberrietako oparietarako proposamen bat egiten zaigu: Ubuntu/Linux-en CDak oparitzea gure senideei edo lagunei.

Gauzak errazteko blog desberdinetan kanpainaren iruditxoa ipiniko dugu eta bertan klikatuz Shipit-eko webgunera eramango zaituen lotura aurkituko duzu. Gogoratu CDak 6 aste edo gehiago behar dutela zure etxera heltzeko, beraz argi ibili.

Zuk ere kanpainan parthe hartu nahi ba duzu itsatsi fitxero honetan agertzen den kodea zure blogean.

Batzutan interesgarria izan daiteke Gnome saio bat hastea supererabiltzaile moduan. Horretarako pausu batzuk jarraitu beharko ditugu. Ikus ditzagun.

Lehenengo root erabiltzaileari pasahitza ipini behar diogu. Horretarako hurrengo komandoa idatziko dugu:

$ sudo passwd root

Ondoren lehenengo zure pasahitza sartu eta gero supererabiltzailearena bitan.

Gero supererabiltzaileari saio grafioak hasteko baimena eman behar diogu. Horretarako hurrengo komandoa erabiliko dugu:

$ sudo gdmsetup

Edo baita Sistema --> Administrazioa --> Saio hasieraren pantaila --> Segurtasuna

Orduan onderengo pantaila ikusiko dugu:

Eta markatu "Baimendu sistema lokaleko administrazaileari saioa hastea" aukera.

Orain sistema grafikoa berabiarazi eta root moduan hasi saio berria baina KONTUZ!! supererabiltzailea zara eta edozer gauza egin dezakezu!!

Askotan ordenagailua lan bat egiten dago eta bakarrik utzi behar dugu lanean, adibidez eguneraketa bat egiten dugunean. Orduan oso interesgarria izan daiteke ordenagailuaren itzalketa automatikoa programatzea.  Hori egiteko nahikoa da terminal bat abiaraztea eta komando hau idaztea:

# sudo shutdown -h +120 

Non shutdown -h komandoak ordenagailua itzaliko duen eta +120 aukerak adierazten du 120 minututara itzaliko dela. Beste atzerapen bat konfiguratu nahi izanez gero zenbaki hori aldatu behar da (minututan).

Eskerrik asko David.

Dagoeneko nik ere eguneratu dut nire Ubuntu/Linux-a. Dena ondo joan da eta ordu batean sistema osoa gaurkotua egon da Eguneraketa-Kudeatzailea erabiliz.

Gorka Juliok bertsio berriaren ezaugarriak aipatzen ditu bere blogean eta merezi du aldaketa egitea.

Dena den, OpenOffice bulegotika paketea ingeleraz gaurkotzen da 2.3 bertsiora, euskarazko paketeak ez daudelako repositorioetan eta ingelerazkoa desinstalatu eta  euskarazkoa berriro instalatu behar da.

Ez zait batere gustatzen hau horrela gertatzea eta Gorka Julioren blogean ere eztabaidatxo hau sortu da. Ezin da gai hau konpodu? Zergatik OpenOfficeko euskarazko bertsioa ez dago repositorioetan?

Aurreko batean azaldu genuen zelan jeitsi .iso irudi bat Ubuntu/Linuxeko repositorioetatik. Hurrengo pausua .iso fitxategi hori CD edo DVD batean grabatu behar dugu instalazioa egiteko.

Ubuntu/Linuxen pausu hau oso erraza da. Grabatzeko CD/DVD zuri bat sartu zure grabagailuan eta hurrengo lehioa ikusiko duzu. Agertzen denean itxi lehioa segituan.

Orduan .iso fitxategia dagoen direktorioa arakatu eta saguaren eskumako botoia klikatuz, "Kopiatu" aukeratu. Ondoren CD/DVD zabaldu bere ikonoan klikatuz eta ondorengo lehioa zabalduko da.

Lehio honetan berriro eskumako botoia eta "Itsatsi" aukeratu. Horrela .iso fitxeroa CDan kopiatuko da instalatzeko moduan.

Aurreko artikuluan azaldu nuen nola eskatu Ubunturen CD/DVD originalak baina eskatu eta lau edo sei aste itxaron beharko dugu gurean paketea hartu harte.

Pazientzi askorik ez ba dugu (eta banda zabaleko konexioa) ISO irudiak deskargatu ditzakegu saretik. Horretarako webgune bat dago non Ubunturen CD/DVD guztiak aurkitu ditzakegu. Dena den, etxeko edo laneko ordenagailurako Ubuntu Desktop-en azken "live" bertsioa deskargatzea da normalena eta hori beti hemendik egin dezakegu.

Deskargatzerakoan iso formatuko fitxero bat jeisten duzu eta hori CD batean grabatu behar da gero "live" erara erabiltzeko edo zure diska gogorrean instalatzeko.

Ba hori, webgune honetan sartu, eskaria egin eta egun gutxi barru zure Ubuntu/Linux 7.10 (Gutsy Gibbon) CD originalak etxean hartuko dituzu

Laster Ubunturen bertsio berria kalean izango dugu. 7.10 Gutsy Gibbon bertsioa.

Dagoeneko jakingo duzue baina Ubuntu Linuxeko bertsioen izenak berezitasun batzuk dituzte.

Zenbakiarekin adierazten den bertsioa, kaleratu den urtea eta hila da (adibidez 7.10 = 2007ko urrikoa).

Izenekin kuriosoagoa da, beti dira animali baten izena eta izenlagun bat. Adibidez:

• Dapper Drake = Ahate dotorea.
• Edgy Eft = Uhandre urduria.
• Feisty Fawn = Oreinkume borrokalaria.
• Gutsy Gibbon = Giboi ausartia.

Gainera 6.06 bertsiotik aurrera izenak ordena alfabetikoan doaz, goiko zerrendan ikusi dezakezuenez.

Beraz laster "Giboi ausartia" gurekin izango dugu. Webgune honetan irteerarako agenda ikusi dezakezue eta eskumako menuan zenbat denbora falta den giboia korrikan hasteko.

Bueno, egia esan betiko botoi gorria sakatu eta ez zidan "itzali" eta "berabiarazi" aukerak eskeintzen, beraz terminal saio bat hasi eta shutdown -h now komandoarekin itzali izan behar dut portatila.

Gaur azti apur bat izan dut eta ubuntuko foroetan aurkitu dut soluzioa.

Horretarako Sistema - Sistema-konfigurazioa - Saio-hasieraren pantaila aukeratuko dugu eta Saio-hasierako pantailaren hobespenak deitutako markoan Erakutsi ekintzak menua aukeratuta dagoela egiaztatu behar da. Ikusi irudia: