Orain egun batzuk eguneraketa bat egiterakoan arazoak izan nituen eta ordutik aurrera ezin izan dut eguneraketarik egin. Eguneraketa egiterakoan errore bat agertzen zen; bertan "dpkg error code (2)" irakurri nezakeen. Sarean hari horri tiratuz, dirudienez paketeren bat bikoiztuta dago. Orduan aukeran dauden paketeen zerrenda ezabatuz konpondu da arazoa.
Horretarako ondorengo komandoa erabili dut:
$ sudo dpkg --clear-avail
OpenOffice Impress programa erabiliz aurkezpen bat egin dugu eta gure monitorean lotu barik erakustea nahi izan dugu (dendetako erakusleihoetan egiten den moduan).
Horretarako behin aurkezpena egin duzunean bi pausu eman behar ditugu. Lehenengo eskumako aldean "Aldatu trantsizioa" eta "Automatikoki geroago" aukeratu. Ondoren diapositiba bakoitzaren denbora aukeratu dezakezu segundotan.
Hori egin eta gero, diapositiba guztiak automatikoki pasatuko dira baina azkenengora heltzen denean aurkezpena gelditu egingo da. Guk nahi duguna zera da: amaitzen denean berriro hastea lehenengoko diapositibatik.
Horretarako menuan "Diapositiba-aurkezpena" aukeratuko dugu eta bertan "Diapositiba-aurkezpenaren ezarpenak". Orduan ondorengo pantaila agertuko da eta bertan "Mota" atalean "Automatikoa"aukeratuko dugu eta ondoren amaitu eta gero zenbat denbora pasatuko den berriro hasi arte segundotan. Zero ipintzen badugu aurkezpena automatikoki errepikatuko da.
Azken aldi honetan ugariak izan dira etorri zitzaikidan lankideak eta lagunak USB memoriarekin arazoak izan dituztelako. Egia esan tramankulu hoiek oso erabilgarriak dira baina azken parte honetan birusen helburu ere bihurtu dira, horrek dakartzan arazoekin.
Irtenbideetako bat, asko eskatzen dutena, memoria hori formateatzea da nahiz eta orduan informazio guztia galtzen duten. Askotan badaude beste irtenbidebatzuk baina formateatunahi izanez gero. Zeln egiten da Ubuntu GNU/Linux erabilita?
Aukera bi ditugu bata terminal batean komandoak erabilita eta beste bat aplikazio grafikoren bat erabilita. Ikus ditzagun.
Terminalean komandoak erabiliz.
Lehenengo gauza memoria sartu bere lekuan eta sistema montatzen saiatuko da. Formateatzekomemoria desmontatuta egon behar da beraz egin behar dugun lehenengo gauza desmontatzea izango da. Baina horretarako montatze puntua ezagutu behar dugu. Prozesu hau egiteko bi komando erabiliko ditugu:
$ mount
Komando honekin gure sisteman montatuta dauden sistema guztien zerrenda agertuko zaigu. Zerrenda horretan gure USB memoria identifikatu bear dugu. Demagun hau agertzen dela:
....
....
/dev/sdb1 on /media/disk type vfat....
Horrek esan nahi du gure USB memoria (/dev/sdb1) montatu dela /media/disk direktorioan eta bere fitxategi sistema vfat dela. Orduan memoria desmontatzeko...
$ umount /dev/sdb1
Behin desmontatuta formateatu dezakegu...
$ mkfs.vfat /dev/sdb1
Gailuari izen bat jarri nahi badiogu -m aukera daukagu
$ mkfs.vfat -m "nireusbgailuarenizena" /dev/sdb1
Gnome-format aplikazioa erabiliz.
Komando lerroa ez baduzu gustoko errepositorioetan badago aplikazio grafiko bat eragiketa hau ahalbidetzen duena. Bere izena gnome-format da.
Instalatu eta gero Aplikazioak menuan Sistemaren tresnak azpisailean agertuko zaigu Gnome-format. Irudian ikusi dezakezuenez ez dago euskaraz baina oso erraza da erabiltzea.
Ubuntu9.04 Jaunty-k gure ordenagailuan eguneraketak egiteko era aldatu du. Orain update-manager aplikazioa zuzenean abiatuko da notifikazio panelean ikono bat agertu beharrean.
Seguritate abisuak egunero hartuko ditugu eta beste eguneraketa batzuk egiteko aukera astero eskeiniko zaigu.
Dena den, aurreko modua erabiltzea nahi baduzue hurrengo komandoa erabili eta eguneraketak aurreko moduan egingo dira:
$ gconftool -s --type bool /apps/update-notifier/auto_launch false
Ubuntu GNU-Linux-en fitxeroak bilatzeko oso era erraza daukagu. Menua aukeratzen ditugu: Lekuak > Bilatu fitxategiak eta ondorengo pantaila agertuko zaigu.
Lehenengoko laukitxoan bilatu nahi duzun fitxategiaren izena (edo izenaren zati bat) idatzi. Aukeratu zein direktoriotan bilatu behar duen eta klikatu "Bilatu" botoitxoan. Denbora gutxian agertuko zaizkizu bilatu behar dituzun fitxategiak.
Gogoratu kontsolatik ere bilatu ditzazkezula fitxeroak eta horretarako find edo locate komandoak ditugula.
Ubuntu 9.04 bertsioara eguneratutakoan ustekabeko bat hartu nuen. Grafikoak ez ziren berabiarazten [Ctrl]+[Alt]+[BackSpace] teklekin.
Saretik pixka bat surfeatu ondoren ikusi dut bertsio honek (9.04) desgaitu egin duela defektuz tekla konbinazio hori. Berriro martxan jartzeko jarraitu pausu hauek:
$ sudo apt-get install dontzap -y
# dontzap -d
Sistema berabiarazi ondoren ure tekla konbinazioa martxan izango dugu.
Sare bat badaukazu Ubuntu GNU/Linuxeko eguneraketak denak batera egiten baditugu (adibidez eskolako bateko gela batean) Internetera doan trafikoa ugaritu egingo da eta eguneraketak moteldu egingo dira.
Kasu hauetan apt-cacher erabili dezakegu eguneraketak azkartzeko.
Aplikazio hau Perl lengoaian idatzitako script bat da eta CGI bat bezala exekutatzen da Apache web zerbitzarian eguneraketa paketeen katxea eginaz.
Sistemak katxe-zerbitzari bat behar du sarean eta bertan apt-cacher instalatuko dugu. Orduan sareko ordenagailu batek eguneraketa bat behar duenean CGI aplikazioak bere katxe direktorioan (normalean /var/cache/apt-cacher) dagoela egiaztatuko du eta horrela bada zuzenean bidaliko dio Interneteko errepositorioetara konektatu barik.
Horretarako sareko ordenagailu guztietan /etc/apt/sources.list fitxategia aldatu behar da. Ikus dezagun nola konfiguratu aplikazio hau.
KATXE-ZERBITZARIAREN KONFIGURAZIOA.
Lehengo pausua aplikazioa instalatzea izango da. Horretarako, betiko moduan egingo dugu: apt-get install apt-cacher.
Kontuan izan aplikazio honek mendekotasunak dituela apache, perl eta wget paketeekin beraz ez baditugu, instalatu egingo dira.
Behin instalatuta dagoenean, doitze batzuk egitea komeni da. Horretarako /etc/apt-cacher/apt-cacher.conf fitxategia editatu behar dugu. Normalean balore guztiak ondo daude, baina interesgarria izan daiteke ondorengoak aldatzea:
generate_reports=1
Honek trafikoaren informeak sortuko ditu helbide honetan: http://katxe-zerbitzariaren-IPa/apt-cacher/report
expire_hours=24
Honek Packages eta Release fitxategiak jaitsiko ditu 24 ordu baino gehiago badute
Bestalde Internetera konektatzeko zure sareak proxy bat erabiltzen badu lerro hauek doitu beharko dira:
http_proxy=proxy.example.com:8080
use_proxy=1
Behin pausu hauek egin eta gero sistema ondo dabilela frogatu dezakegu helbide honetan: http://katxe-zerbitzariaren-IPa/apt-cacher/ aplikazioaren konfigurazioa agertzen bada.
SAREKO ORDENAGAILUEN KONFIGURAZIOA.
Sareko ordenagailuetan /etc/apt/sources.list fitxategia editatu behar da eta lerro bakoitzean katxe-zerbitzariaren helbidea jarri behar da ondorengo adibidean ikus dezakegun moduan:
# Originalak
#deb http://archive.ubuntu.com/ubuntu/ intrepid main restricted
#deb-src http://archive.ubuntu.com/ubuntu/ intrepid main restricted
#Berriak
deb http://katxe-zerbitzariaren-IPa/apt-cacher/archive.ubuntu.com/ubuntu/ intrepid main restricted
deb-src http://katxe-zerbitzariaren-IPa/apt-cacher/archive.ubuntu.com/ubuntu/ intrepid main restricted
Batzutan gerta dakiguke programa bat ez egotea GNU/Linuxerako eta erabili behar izana. Orduan aukera desberdinak ditugu: abio sistema duala, birtualizazioa edo baita wine erabiltzea.
Wine erabiliz Windowserako prestatuta dauden programak erabili ditzakezu GNU/Linux sistematan.
Wine instalatzeko era asko ditugu baina agian errazena terminala erabiltzea da. Orduan, terminala abiarazteko menuan aukeratuko ditugu:
Aplikazioak > Gehigarriak > Terminala
Ondoren administratzeko pribilegioak lortubehar ditugu, horretarako terminalean idatziko dugu:
$ sudo -s
eta gure pasahitza sartuko dugu. Ondoren errepositorioaren gakoak sartu behar ditugu gure konfiazntzazko apt zerrendan horretarako terminalean ondorengo komandoa kopiatuko dugu:
# wget -q http://wine.budgetdedicated.com/apt/387EE263.gpg -O- | sudo apt-key add -
Ondoren Wine-ren errepositorioak sartuko ditugu gure sources.list fitxeroan ondorengo komandoarekin:
# sudo wget http://wine.budgetdedicated.com/apt/sources.list.d/intrepid.list -O /etc/apt/sources.list.d/winehq.list
Aurreko komandoa Ubuntu 8.10 Intrepid Ibex erabiltzaileentzat da. Beste bertsio batzuetako erabiltzaileak begiratu komandoa webgune ofizialean.
Orduan paketeen informazioa gaurkotu:
# apt-get update
Eta ondoren instalatu:
# apt-get install wine
Orduan Aplikazioak menuan agertuko zaizu. Hurrengo batean azalduko dugu nola erabili Wine aplikazio konkretu batekin
Aurreko sarrera bateko komentarioetan jolausek azaldu zuen arazo batzuk zeuzkala audioarekin. Laneko portatilean nik ere arazo berdina, edo gutxienez antzekoa, neukan.
Gaur ibili naz asunto horretan eta, egia esateko, ez dakit nola edo zergatik baina konpondu dut arazoa.
Ubuntu Intrepid Ibex hasieratik instalatu berri nuen laneko portatilean eta ordutik ona audio ez zebilen.
Gaur Sistema > Hobespenak > Bolumen-kontrola aukeratu dut eta Hobespenak botoian klikatuz aukera guztiak gaitu ditut.
Kontrol batzuei bolumena jeitsi, beste batzuei igo eta audio martxan daukat.
Hori egin eta gero klaska moduko bat entzuten zen noizean behin. PC Speaker mututu eta listo.
Dena den sistema berabiarazi arte audio ez da joan guztiz fin.
Momentu honetan Bolumen-Kontrola irudian agertzen de moduan daukat eta audioa oso ondo dago. Irudia ondo ikusteko gainean klikatu.
Aurreko sarrera batean komentatu nuenez, Ubuntu 8.10 bertsiora eguneratu nuenetik ezin nuen nire laneko sarera konektatu VPN bidez eta PPTP protokoloa erabiliz. Asuntua zen Network Manager berrian zerbait aldatu nuela eta konektatzerakoan sistemak mezu hau ematen zidan: "VPN konexioak huts egin du, ez dagoelako baliozko VPN sekreturik". Dena den PPTP VPN konexio bat hasieratik zelan sortzen den azalduko dugu:
1.- Instalatu beharrezkoak diren paketeak.
Network Manager aplikazioak PPTP VPN zerbitzua behar du konexioa posible izateko. Ez baduzu instalatu hurrengo komandoarekin:
$ sudo apt-get install network-manager-pptp
2.- Konfigurazio formularioa bete datu egokiekin.
Pantaila honetan Konexioaren-izena, Atebidearen IPa eta Erabiltzailearen izena bete behar dira. Seguruagoa da pasahitza ez betetzea orain eta konexioa ezartzerakoan ipintzea.
Gero "Aurreratua" botoian klikatuz "Erabili puntutik punturako enkriptatzea (MPPE)" aukeratu behar dugu. Eta prest daukagu VPNa.
Tagak
Zabaldu
del.icio.us