Ubuntu Basque Experience

Bueno egin dut eguneraketa. Sustatun esan duten moduan, ordenagailu berria sei hilabetero.

Eguneraketa-kudeatzailea erabili duteta ordu betean pakete guztiak deskargatu eta instalatu dira. Berabirazterakoan lehenengo inpresioa sistema abiarazteko abiadura. Ez dakit baina oso azkar doala iruditzen zait. Aldaketa nabarmena hasierako pantaila izan da: diseinu berria, polita.

Behin logeatu eta gero eta zure /home direktorio mantendu baduzu, aldaketak ezdira agertzen berehalakoan. Notifikazio sistema berritu da, txukuna ematen du.

Mahaigainaren eta aplikazioen testuak txukunago agertzen dira, letra tipoak garbiago ikusten ditut.

OpenOffice bulegotika paketea eguneratu du baina ingeleraz. Saiatu naiz Hizkuntza-Sostengua eguneratzen baina ez du onartzen euskarazko bertsioa, ikertu beharko da.

Menuetan arakatzen Computer Janitor  aplikazioa aurkitu dut. Ematen du erabiltzen ez diren aplikazioak garbitzen dituela.

Momentu batean Firefox "kolgatu" egin zait eta saiatu naiz X sistema grafiokoak berabiarazten [Ctrl]+[Alt]+[BackSpace] teklak erabiliz baina badirudi aukera hau defektuz desgaitu egin dutela. Niri ondo etortzen zait, ea lortzen dudan martxan jartzea.

Asier Sarasuak idatzia.

Mozilla fundazioa Firefoxen bertsio berria prestatzeko lanetan ari da, 3.1 bertsioa alegia.

Bertsio honetan hiru berrikuntza aipatuko nituzke:

• TraceMonkey, Javascript motore berria: orain Javascript asko erabiltzen duten orriak ziztu bizian kargatzen dira nabigatzailean.
• Nabigatze pribatua: modu honi esker, erabiltzailearen jardueraren aztarna guztiak ezabatu egiten dira nabigatzailetik.
• HTML5 espezifikazioko zenbait etiketa onartu dira, eta horien artean sarean gehien aipatu direnak eta etiketak dira. Hauei esker, orain zenbait audio eta bideo formatu pluginik gabe ikus daitezke.Proba egin nahi baduzue, begiratu hau eta entzun hau Firefox 3.0 zaharrarekin eta Firefox 3.1 berriarekin.

Firefox 3.1 beta moduan erabil daiteke jadanik, Shiretoko izenarekin. Ubunturen erabiltzaileok, gainera, zorioneko gaude, Canonicaleko programatzaile batek biltegi bat sortu baitu Launchpaden Shiretokoren azken garapen bertsioa eduki dezagun beti. Une honetan 3.1b3pre bertsioa dago eskuragarri. Instalazioan ez da ukitzen Ubuntuk modu lehenetsian dakarren Firefoxa; beraz, arazorik gabe erabil daitezke biak batera.

Ubuntun instalatzeko jarraitu urrats hauek:

1.-Gaitu errepositorioa: joan Synaptic-en "Ezarpenak > Errepositorioak" atalera eta sortu errepositorio berria balore hauekin:

Edo editatu zuzenean sources.list fitxategia:

$ sudo gedit /etc/apt/sources.list

eta gehitu lerro hau:

deb http://ppa.launchpad.net/fta/ubuntu intrepid main

2.-Birkargatu:

$ sudo apt-get update

3.-Instalatu: bilatu firefox 3.1 Synaptic-en, edo:

$ sudo apt-get install firefox-3.1

On egin.

Aldaketek beti dakarte gauza onak eta arazoak, hori gertatu zait niri ere eguneraketarekin. Aurretik komentatu dugu nola OpenOffice euskaraz erabiltzen dugunok azkenean lortu dela eguneratzearekin batera gure bulegotika paketea ere euskaraz izatea azken bertsioan. Bestalde, Rhythmboxek dakarren berrikuntza ere ez da nolanahikoa.

Dena den gaur Firefox bertsio berriarekin (3.0b5) izan ditudan arazotxoak komentatu nahi ditut. Batzuk konpondu dira beste batzuk laster.

Lehenengoa.  Nik Euskalbar, FireFTP eta Gspace hedapenak erabiltzen ditut. Lehengoarekin arazorik ez, nire hiztegiak martxan dira. Beste biak ez dabiltza eta eguneratzen direnean abisu bat hartuko dudalakoan geratu naiz. Ea laster den!

Bigarrena. Hasiera batean bideoak ezin nituen ikusi eta pluginak instalatzeko lehioa zabaldu zitzaidan bertan lehenengoa aukeratu nuen (Swfdec). Ordutik ona bideo bakoitzean PLAY itxurako irudi bat agertzen da  eta bideoak ez doaz fin. Konpontzeko SWfdec plugina desinstalatu dut Synaptic erabiliz. Horretarako Bilaketa laukitxoan swfdec-mozilla jarri eta aurkitzen duenean guztiz desinstalatu. Orain bideoak oso ongi ikusten dira.

Ubuntu 7.10 instalatu eta gero bere berrikuntzak probatzen nabil.

Hauetako bat AptUrl da; programak nabigatzailetik instalatzeko aukera ematen duen aplikazioa.

Orain arte softwarea instalatzeko aukera bi genituen: edo terminal bat ireki eta apt-get erabili edo Synaptic erabili mahaigainatik.

Orain Firefox zabaldu eta helbidean apt:// idatziz aplikazio hori instalatzen hasiko da. Oso interesgarria.

Begira zelako podcast polita aurkitu dudan Youtuben. Paz Padilla famatua informatikari buruz hitzegiten eta Ramón Garcia flipatzen.

Esan oi da gauza bat modan jartzeko "famosilloek" erabili behar dutela lehendabizi eta gero besteok kopiatu egiten dugula. Ba ea Paz imitatzen dugun.

Txominek eta beste batzuk galdera berdina egin didatenez hemen doakizue Ubuntu/Linux euskaraz ipinteko era erraz bat.

Egia esateko Ubuntu/Linux euskaraz izateko era errazena hasieratik euskaraz instalatzea da. Dena den instalazioa beste hizkuntza batean egin baduzu eta euskarara aldatu nahi baduzu pausu hauek jarraitu eta zuen Ubuntu/Linuxak Abaltzisketakoa emango du.

Pausu hauek jarraitzeko Internetera konektatuta egon behar zarete, eta aldaketa gazteleratik eginez gero, Menuan Sistema - Configuración del Sistema - Idiomas aukeratu beharko dugu. Orduan hurrengo lehioa aterako da baina gazteleraz,

Lehenengo laukitxoan "supported languages"-en, zuk nahi dituzun hizkuntza paketeak aukeratu ditzakezu; horrela errepositorioetatik hizkuntza paketeak jaitsiko dira eta zure sisteman izango dituzu erabiltzeko moduan.

Hurrengo laukitxoan default languaje, erabiltzaile berrientzako erabiliko den hizkuntza eta login-aren pantailaren hizkuntza aukeratu dezakezu. Aldaketak onartu.

Normalean beste hizkuntza batean instalatuta dauden sistematan dagoeneko sistema dauden erabiltzaileei ez zaie sistema euskaraz jarriko. Horretarako azken pausu bat egin behar da. Login-aren pantailan Opciones aukeratu eta hortxe aldatu zure hizkuntza.

Honekin sistema ia guztia euskaraz izango duzu, dena den egon daiteke aplikazioren bat euskara paketeak ez dituena onartzen eta ingeleraz geratzea.

Hurrengo estekatan Firefox eta OpenOffice nola euskaratu azaltzen dizuet.

Azken egunotan arazo bat somatu diot nire Ubuntu sistemari: Youtubeko bideoak ez nituen entzuten Firefox erabiliz.

Foroetan bilatzen ibili eta gero, badirudi Flash Playeren eguneraketa batekin konpontzen dela arazoa.

Beraz webgune honetatik .tat.gz fitxeroa deskargatuko dugu. Fitxero hori deskonprimitu eta gero install_flash_player_9_linux direktorio bat sortuko da.

Orduan terminal bat abiaraziko dugu eta direktorio horretara joango gara, gero ./flashplayer-installer idatziko dugu eta programa instalatzen hasiko da.

Momentu batean Firefox ixteko eskatuko digu eta gero Firefox instaltuta dugun karpetaren helbidea. Nire kasuan /usr/lib/firefox da.

Orain entzuten ditut Youtubeko bideoak.

Ubunturen instalazioa egin ondoren Firefox Interneteko nabigatzailea ingelesez izango dugu. Euskaraz jartzeko nahiko izango da hurrengo komandoa exekutatzea.

$ sudo apt-get install mozilla-firefox-locale-eu mozilla-locale-eu