Ubuntu Basque Experience

Bueno, egin dut eguneraketa 9.04tik 9.10era eta nahiko ondo joan da asuntoa. Ia ordu bete iraun du eguneraketa jaistea eta instalatzea.

Nabaritzen den lehenengoko gauza sarrerako prozesua aldatu dela da: irudiak, estiloa,... Dena den, ez zait gustatzen hasierako pantaila, zeren eta erabiltzaileak ez dira eskuz sartu behar. Zerrenda batetik aukeratu behar duzu zure erabiltzailea eta niretzako horrek seguritate arazoak ekar litzake.

"Theme" berria ere ez da ezer berezia. Laranja kolorea marroiarengatik aldatu da.

Kernelaren eta Gnomeren bertsio berriak uste dut nabaritzen direla ordenagailua abiarazterakoan.

Hasiera baten hizkuntza sostengua ez da osorik instalatu eta horrek arazo txiki batzuk sortu dizkit. Behin hizkuntza sostengua instalatuta arazo guztiak desagertu dira. Dena den, OpenOffice-eko Impress, Base eta Calc desagertu egin zaizkit menuetatik. Honek Ubuntu Software-Biltegia erabiltzeko aukera eman dit zeren badirudi dagoeneko OpenOffice-ko euskarazko bertsioa repositorietan dagoela. Ba zen garaia! (Instalazio garbi bat euskaraz egiten baduzu ere badirudi ondo instalatzen dela euskarazko bertsioa).

Software-biltegia oso aplikazio ona iruditu zait eta asko errazten du aplikazio berriak instalatzea. Gainera informazio piloa eskaintzen du aplikazio bakoitzeko.

Bideo txartelaren kontrola hobeagoa ere nabaritu dut. Leihoak azkarrago ireki eta ixten dira. Lehenetsitako karaktereak ere hobeto ikusten dira.

Azkenik makina oso azkar itzaltzen da. Nik esango nuke hiru lau segundotan itzali dela.

Oraindik ez dut beste gauza nabarmenik ikusi. Hori bai, ematen du ordenagailu berria daukadala!!

Bihar urriak 29 kaleratuko da Ubunturen 9.10 bertsioa, Karmic Koala izena duena.

Bertsio berri honek agian ez du ekarriko espero zen iraultza eta hurrengo apirilerarte itxaron beharko dugu. Dena den koala honek ere badakar zenbait berrikuntza bere sakelean:

• Lehenbiziko aldaketak sistema abiarazterakoan nabarituko ditugu, bai irudiari dagokionez eta baita abiadurari. Gainera Grub2 erabiltzen du abiarazteko kudeatzaile modua.
• ext4 fitxategi sistema dator lehenetsita. Honek diskoen errendimenduan hobekuntza nabaria suposatzen du.
• Ubuntu One. "Cloud Computing"-aren printzipioak erabiltzen duen zerbitzua. Zerbitzu honekin zure Ubuntuko fitxategiak sinkronizatuta izango dituzu zure sareko direktorioarekin eta baita beste erabiltzaile batzuekin elkarbanatu. Horretarako 2 GByteko tokia duzu dohan.
• Ubuntu Software Store. Aplikazio berri onekin softwarea instalatzeko erabiltzen ziren aplikazio guztiak bateratu egin dira aplikazio honetan.

Sistema berri bat instalatzerakoan ere aldaketa batzuk nabarituko ditugu:

• Informazio pantaila berriak fitxategiak kopiatzen diren bitartean.
• Erabiltzailearen direktorio pertsonala enkriptatzeko aukera.

Eta baita beste aukera "estetikoagoak": lehenetsitako gaiaren bertsio berria, saioak hasteko pantaila berriak, bolumen kontrola eta sare konexioen kontrola,  eta abar.

Nire ustez bertsio honek nahiko"morbo" sortu du Windowsek ere bere bertsio berria egun hauetan atera duelako baina ematen du Ubuntuk bere aldaketa handia hurrengo bertsioan egingo duela. Oraingoz sistema eta aplikazioak abiarazterakoan badirudi Ubuntuk irabazten duela ikusi bestela hurrengo bideoa.

Ubuntu9.04 Jaunty-k gure ordenagailuan eguneraketak egiteko era aldatu du. Orain update-manager aplikazioa zuzenean abiatuko da notifikazio panelean ikono bat agertu beharrean.

Seguritate abisuak egunero hartuko ditugu eta beste eguneraketa batzuk egiteko aukera astero eskeiniko zaigu.

Dena den, aurreko modua erabiltzea nahi baduzue hurrengo komandoa erabili eta eguneraketak aurreko moduan egingo dira:

$ gconftool -s --type bool /apps/update-notifier/auto_launch false

Bueno egin dut eguneraketa. Sustatun esan duten moduan, ordenagailu berria sei hilabetero.

Eguneraketa-kudeatzailea erabili duteta ordu betean pakete guztiak deskargatu eta instalatu dira. Berabirazterakoan lehenengo inpresioa sistema abiarazteko abiadura. Ez dakit baina oso azkar doala iruditzen zait. Aldaketa nabarmena hasierako pantaila izan da: diseinu berria, polita.

Behin logeatu eta gero eta zure /home direktorio mantendu baduzu, aldaketak ezdira agertzen berehalakoan. Notifikazio sistema berritu da, txukuna ematen du.

Mahaigainaren eta aplikazioen testuak txukunago agertzen dira, letra tipoak garbiago ikusten ditut.

OpenOffice bulegotika paketea eguneratu du baina ingeleraz. Saiatu naiz Hizkuntza-Sostengua eguneratzen baina ez du onartzen euskarazko bertsioa, ikertu beharko da.

Menuetan arakatzen Computer Janitor  aplikazioa aurkitu dut. Ematen du erabiltzen ez diren aplikazioak garbitzen dituela.

Momentu batean Firefox "kolgatu" egin zait eta saiatu naiz X sistema grafiokoak berabiarazten [Ctrl]+[Alt]+[BackSpace] teklak erabiliz baina badirudi aukera hau defektuz desgaitu egin dutela. Niri ondo etortzen zait, ea lortzen dudan martxan jartzea.

Dagoeneko prest daukagu Ubuntu GNU/Linux-en bertsio berria: 9.04 Jaunty Jacalope.

8.10 bertsiotik oso erraza da eguneraketa egitea. Behin pakete guztien eguneraketa egina baduzu Eguneraketa kudeatzailean agertuko zaizu bertsio berrirako eguneraketa proposamena. Gogoratu eguneraketa eskuz  behartu nahi baduzu menuan hurrengo pausuak jarraitu behar dituzula: Sistema > Administrazioa > Eguneraketa kudeatzailea.

Hurrengo pantaila agertuko zaizu eta bertan aukeratu dezakezu eguneraketa egitea.

Bertsio berri honen ezaugarri azpimarragarrienak hauexek dira:

• Kernel bertsio berria (2.6.28)
• Gnome 2.26 berria. Honek brasero dakar CD-DVD sortzaile moduan eta baita moritore desberdinak kudeatzeko aukera ematen duen aplikazioa.
• Txartel grafikoen kudeaketa hobea X.org server 1.6 bertsioarekin.
• Abisuen sistema berria.
• Abiaratze prozesua egokitu egin da.
• Ext4 fitxategi sistema erabiltzeko aukera.

Dagoeneko eskatzeko moduan ditugu Ubuntu GNU/Linux 9.04 Jaunty Jacalope bertsioaren CD berriak.

Horretarako, betiko moduan, Shipit webgunera jo.

Egun hauetan Asus EeePC 1000H bat heldu zait eta Ubuntu instalatzea nahi izan dut. Badaude beste distribuzio batzuk traste hauetarako baina oso gustura nabil Ubunturekin beraz saiatu naiz eta lortu dut. Horretarako hurrengo pausuak jarraitu ditut:

1. Beste ordenagailu batean, Ubunturen webgunetik ISO irudia deskargatu.

2. Irudi hori USB batera pasatu sistema abiarazteko moduan.

Horretarako Administrazio menuko Create a startup disk aukerarekin saiatu naiz eta ezin izan dut sortu. Blog honetan ikusi dut zelan UNetbootin aplikazioa erabilita lortu zutela beraz, ni ere saiatu naiz eta ongi eta oso erraz funzionatu du. Behin programa abiarazita, bakarrik esan behar diogu zein direktorioan daukagun ISO irudia eta zein da USB unitatea.

3. Ubuntu instalatu.

USB sartuko dugu, ordenagailua piztu eta abiaratzerakoan ESC tekla sakatuko dugu bertan aukeratuko dugu zein mediotik abiarazi nahi dugun ordenagailua. Kasu honetan USBtik. Instalazio normal bat egingo dugu.

4. Adams Kernela instaltuko dugu.

Ubunturen instalazio normal batekin sistema martxan izango dugu baina hrdware guztia ez dugu ondo instalatuta izango. Intrepid EeePC kernela konpilazio berezi bat da sistema hauetan erabiltzeko beraz komeni da instalatzea. Horretarako Array.org proiektuaren errepositorioak gehituko ditugu:

$ wget http://www.array.org/ubuntu/array-apt-key.asc

$ sudo apt-key add array-apt-key.asc

Ondoren errepositorioen zerrenda berituko dugu:

$ sudo apt-get update

Eta kernel berria instalatuko dugu: $ sudo apt-get install linux-eeepc

Ondoren sistema berrabiaraziko dugu. Momentu honetan kernel bi (edo gehiago) izango ditugu gure grub-aren menuan. Aurreko baten azaldu genuen nola ezabatu behar ez ditugun kernelak eta nola garbitu hasierako menua. Gure Asus EeePC 1000H berria martxan izango dugu.

Distrowatch GNU/Linux distribuzioen munduan gertatzen diren berrien ispilua dugu. Urtero ateratzen dute distribuzioen Rankinga eta aurten ere Ubuntu errege.

Ranking hau ez da oso serioa, zeren eta beraiek sortutako distribuzioei buruzko estekei klik eginda kontatzen bait dute, dena den adierazle moduan hartu dezakegu, ez?

Orain dela egun batzuk komentatu nituen nire lehenengo inpresioak Ubuntu 8.10 nire etxeko ordenagailuan eguneratu eta gero. Gaur laneko portatilean egin dudan eguneraketa komentatuko dut.

Nire lehengo inpresioa nahiko txarra izan zen, eguneraketa tipikoa egiten saiatu nintzen eta gauzak ez ziren ondo joan, ingurune grafikoa ez zen abiarazten eta itzaltzerakoan ez zen itzaltzen (eta orain ere batzutan ez da itzaltzen). Beraz, sistema hasieratik instalatu nuen.

Eta gauzak nahiko ondo joan dira: nire /home aparte muntatuta daukat, beraz konfigurazio pertsonal guztiak martxan ditut; sistema grafikoa azko hobetu da.

Dena den, gauza batzuk ez dira hain ondo joan: VPNak egiteko aukera galdu nuen, haririk gabeko sarea galdu nuen eta sistema ezin dut itzali (Sistema "Shutting down ALSA" mezuarekin geratzen da). Hortaz aparte soinu txartela ez doa fin.

VPN konexioarena eta haririk gabeko sarearena konpondu ditut. Besteak ea laster lortzen ditudan.

Azkenean aurkitu dut astia Ubuntu 8.10 instalatu eta gero nire lehen inpresioak idazteko!

Eguneraketa bi egin ditut; bata etxeko ordenagailuan eta bestea laneko portatilean. Bietan esperientzi desberdinak izan ditut.

Etxeko ordenagailuan eguneraketa normal bat egin dut aurreko sarrera batean azaldu nuen moduan. Oso ondo joan da dena. Primeran. Arazo barik. Dena den ikutu batzuk eman behar izan ditut eta hau da nire lehen inpresioa.

• Defektuzko gaia eta koloreak eta askoz ere "garbiagoak" ikusten  dira orain. Egia esan 8.04 bertsioko mahaigaineko lertxuna ez zitzaidan batere gustatu. ;-)
• Letra tipoetan ere zerbait aldatu egin da eta orain "eleganteago" ikusten da. Edo nire irudipena da behintzat.
• Aurretik instalatuta nituen aplikazio guztiak martxan ditut. Dena den batzuk "Aplikazioak" menuan lekua aldatu dute. Ez dago arazorik.
• Horietariko bat Virtualbox (virtualizazio sistema) izan da eta hasieran ez zebilen. Beraien webguenan begiratu nuen eta lizentzien aukerak aldatu egin dituztela ikusi nuen agian horregatik izango zen. Bertsio zaharra desinstalatu, berria instalatu eta dena martxan.
• Gehien gustatu zaidan berrikuntza Sarea konfiguratzeko herraminta berria izan da. Oso ondo dago eta aukera ugari ematen ditu. Gainera erraz konfiguratzeko modukoak. Dena den, laneko sistematara konektatzeko VPN bat erabiltzen dugu. Lehen oso ondo zebilen baina orain zerbait ikutu dut konfigurazioan eta eta ez dabil. Hau begiratzeko geratzen d. Komentatuko dut.
• Pena bat izan da OpenOffice 3.0 ez sartzea eguneraketa honetan.
• Administrazio menuan aukera berri bat agertzen da orain: "Create a USB startup disk". Ez dut probatu baina interesgarria iruditzen zait.

Zuek eguneratu duzue zuen sistema? Zer moduz?